Originaltitel: Edictum Caroli Francisci Durini, legati apostolici. Ad petitionem abbatis Einsidlensis ad tollendos abusus edidit hoc edictum in Einsidlensi ecclesia publicandum, atque subinde in sacristia et valvire ecclesiae continuo affigendum:

1. Ut juxta praescriptum Tridentini nullus vagus, peregrinus et advena sacerdos ad facienda divina, et administranda sacramenta admittatur sine commendatitiis ordinarii, si sit saecularis, aut si regularis, sine obedientialibus, quae omnes teneantur exhibere: ad finem hunc abbas unum aut plures capitulares deputet, qui nullum celebrare permittant, quin certa sint testimonia, sub poena suspensionis ipso facto ab iisdem aut aliis quibuslibet celebrare sinentibus, incurrenda: reservata tamen abbati, alterive ab ipso substituendo facultate, pro suo arbitrio et conscientia etiam absque praedictis requisitis concedendi permissionem celebrandi, si dubius esset cesus, aut circumstantia locorum et personarum aliter suaderent.
2. Ut inhaerendo pontificiae constitutioni Benedicti XIV. nullus sive ecclesiasticus, sive saecularis, contra intentionem fidelium missarum stipendia colligere, quaerete aut recipere audeat ad hoc, ut postea pro eodem stipendio alibi quam in nostro sanctuario, aut retenta parte stipendii vel in nostra aliave ecclesia eadem misere legantur sub poena excmmunicationis pro laicis, et suspensionis pro clericis sive saecularibus sive regularibus ipso facto incurrenda, reservata in casu prioi nuntiis apostolicis, in secundo ipsi pontifici.
3. Ne ulli extero et advenae sacerdoti huc adventanti liceat absque licentia praevia abbatis seu deputati ipsius, ac ejus beneplacito quenquam in foro sacramentali audire et absolvere, ac sic spiritualia tribunalia erigere, sub poena suspensionis latae sententiae.

Papier

Summarium: A 2, S. 149 (KAE, B.16/3)