"Universis presens scriptum inspecturis Ruodolfus de Wediswil subscripte rei notitiam. Honesti et utilitati hominum non parum expedit, ut id, quod apud ipsos geritur ad tollendam omnem ambiguitatem scripture testimonio perhennetur. Sciant igitur tam presentes quam posteri, quod ego, Ruodolfus de Wediswil, decimas vini in Meilan, quas a monasterio Heremitarum in feodum habui et possedi, amicorum meorum consilio in manus domini Anshelmi, abbbatis Heremitarum, libere et vonluntarie resignavi et cessi omni iuri, quod michi in eisdem decimis competebat vel conpetere videbatur, maxime cum tunc temporis filios non haberem; pro qua etiam resignatione et cessione summa sexaginta trium marcarum argenti michi a dicto domino abbate et suo monasterio est refusa. ... Et ut hec apud posteros et presentes firma permaneant, tradidi hoc instrumentum sepedicto domino abbati ... et suo monasterio cum sigillo domini Rodolfi, comitis de Raprehswilwile, et etiam mei sigilli munimine roboratum. Acta sunt hec apud Phefincon iuxta lacum Thuricinum, anno domini Mo CCo Lo VIIIIo, indictione IIa, IIIo idus Februarii, in presentia testium, qui subscripti sunt; supra nominatus dominus Anshelmus, abbas Heremitarum, Rodolfus, comes de Raprehswile, Rodolfus scolasticus Heremitarum, Arnoldus capellanus de Raprehswile, Conradus plebanus de Buchs, H., viceplebanus in Tuggen, Eb. viceplebanus in Ufenowe, Wern. de Obrenkilchen, Io. plebanus de Grabes, Ro. de Macingen, Ro. de Ruchenstein, Alber. de Uirinkon, B. villicus de Kalthebrunnen, Uol. de Wolrowe, R. et H. fratres de Turri, H. de Ebenothe, Pe. de Rambach, miles, H. scultetus de Raprehswile, Richwinus de Voulrowe, Nicholaus de Kalthebrunnen, Con. de Hunbrehtinkon, H. dictus Sidelle, Conradus de Borsincon, R. dictus Ekol, Uol. minister de Wediswile et alii quamplures."

Enthält: Urkunde: Urkundenarchiv Akte (Abschrift): Aktenarchiv

Beschreibstoff: Pergament

BxH: 40x34

Anzahl Siegel: 2;

Summarium: P 1, S. 62 (KAE, B.16/60)

Digitalisiert

Digitalisiert durch Monasterium; Februar 2008 im Staatsarchiv Schwyz.

Morel, Regesten, Nr. 79.