Litterae d. abbatis Einsidlensis ad abbatem S. Galli: Illustrissimum dominum nuntium apostolicum dum proxime elapsis diebus Einsidlae ad concludendam causam Sonnenbergensem adesset, affirmasse dominum Colonellum retractum facere noluisse, nisi certificatus de catholico emptore, cuius se nuntius vadem et fidejussorem sub proprio sigillo constituit ex certa fiducia Romae iam suffulta vel ex motivis religionis vel authoritate abs praelatis obtinendi eiusmodi societatem. 2do. Fundmentum vero authoritatis praetendendae ex eo deduxisse, quod plurimae incorporationes beneficiorum, decimarum gratiose factae sint ex causis religioni non tam intrinsecis quam ista sit, ubi praeter periculum perversionis in religione situs arcis catholicis valde perniciosus foret adeoque ex istis reditibus per authoritatem ad succurrendum compelli posse. Hoc argumento Romae nixus haud cedet dominus nuntius. Haec ille a me petiit, ut perscriberem et ut voluntatem illustrissimae dominationis vestrae explorarem. Dum reverendissimi Murensis, Fischingensis, Rhenoviensis et Einsidlensis iam dederant suum consensum et abbas Sancti Urbani remissionem suae excessive summae sett. 15000 fl. petierit, sed abs domino nuntio nil obtinuerit.

Summarium: G 1, S. 50 (KAE, B.16/49)