Originaltitel: Licentia instituendi confraternitatem ss. Scapularis: Frater Dominicus a ss. Trinitate, Carmel praepositus generalis, authoritate apostolica confraternitatem B.V.M. de Carmelo in ecclesia Einsidlensi per praesens instrumentum erigit atque indulgentias, et privilegia confraternitate concessa in nostro loco inscribendis communicat in specie:

1. Concessa abs Clemente VII., ut confratres Scapularis tempore interdicti aut inobidientiae causa non sint, missam ac divina officia absque strepitu celebrare sepulturaeque ecclesiasticae cum aliqua pompa funerali tradi possint;
2. A Paulo V. indulgentias plenarias primo ingressus die, in festo principali commemorationis B.V., die 16 Julii, aut dominica immediate sequenti, ac in mortis articulo, confratribus confessis, s. communione refectis aut in ultimo casu saltem contritis nomen Jesu ore aut certe corde invocantibus; in altero autem casu praeterea pro bono ecclesiae orantibus. Item septem annorum ac quadragenarum totidem indulgentiae, qui confessi ac s. communione refecti processioni confraternitatis in una dominica mensis cujuslibet pro ecclesia orando interfuerint. Item abstinentibus ab esu carnis diebus confraternitati solitia dies trecentum. Item recitantibus qualibet 6te septies orationem Dominicam et toties Salutationem angelicam ad honorem septem gaudiorum B.V.M. quadraginta dies. Item cum habitu confraternitatis confesssis, qui semel in mense s. communionem sumpserint, atque pro ecclesia oraverint annos quinque et totidem quadragenas. Item qui in qualibet festivitate B. M.V. confessi in ecclesia confraternitatis sacram sumpserint communionem, precesque pro ecclesia fuderint tres annos cum tot quadragenis. Item qui cum lumine viaticum ad infirmos fuerint comitati annos quinque et totidem quadragenas. Dies centum comitantibus defunctos ex confraternitate ad sepulturam, recitantibus officium ejusdem B.V. Mariae aliudve charitatis vel pietatis opus peragentibus.
3. Ab eodem Clemente concessas indulgentias plenarias per breve posterius confratribus, qui una dominica cujuslibet mensis confessi et s. communione refecti processione interfuerint pro bono Ecclesia orando.
4. Valeant haec omnia secundum constiutionem Clementis VIII., caventis, ne extendatur nimis confraternitatum privilegia.

Papier wurde auf Leinenstoff aufgeklebt.

Summarium: A 6, S. 627 (KAE, B.16/7)