Originaltitel: Instrumentum incorporationis confraternitatis artificium

"Instrumentum incorporationis confraternitatis artificium. Romae, 26. Febr. 1651."

1. Franciscus, cardinalis Barberinus archiconfraternitatis ss. Sacramenti in basilica principis apostolorum protector, adjungit apostolica authoritate confraternitatem artificum in Einsiedeln erectam Romanae archiconfraternitati.
2. Eidem communicat indulgentias a Paulo V. praefactae archiconfraternitati concessas, scilicet 1. Indulgentiam plenariam die primo ingressus confessis ac s. communione refectis proque bono ecclesiae orantibus; item in festo Corporis Christi principali hujus archiconfraternitatis confessis et s. communione refectis, a primis vesperis usque ad occasum solis basilicam dictam visitaverint ac in capella, ut supra, oraverint; nec non in mortis articulo confessis et s. communione refectis, vel saltem nomen Jesu devote invocantibus. 2. Annos septem totidemque quadragenas in festos nativitatis D.N.I.X., ss. Petri et Pauli atque Simeonis et Judae confessis et s. communione refectis dictamque basilicam a primis vesperis ad solis usque occasum, ut supra, visitantibus; item in octava Corporis Christi confessis et communicatis. 3. Tres annos ac totidem quadragenas in dominica cujuslibet mensis confessis et communicatis processionemque ss. Sacramenti comitantibus; item feria 5ta in Coena Domini confessis et communicatis eandemque processionem commitantibus in dicta ecclesia, aut si posterius fieri nequeat, iisdem saltem diebus confessis et communicatis; ob infirmitatem vero impeditis die, quo ad ecclesiam accesserint, primo confessis et refectis s. communione. 4. Dies ducentos quoties quis inter annum in capella ejusdem ss. Sacrament communicaverit. 5. Centum dies semel in mense eandem capellam visitantibus et quinquies orationem Dominicam cum Salutatione angelica in memoriam passionis dominicae recitantibus. 6. Annos Septem ac totidem quadragenas iis, qui debitis temporibus confitendi cum proposito ss. Sacramentum ad infirmos comitati fuerint. 7. Consororibus autem ab hoc impeditis, si quinquies Pater et Ave pro eodem infirmo dixerint dies centenos. 8. Quinque annos ac totidem quadragenas parochis et aliis sexus utriusque ss. Sacramentum comitantibus. 9. Dies centum confratribus et consororibus quoties qualibet feria sexta quadragesimae et etiam dominica capellam supra dictam visitaverint ac 5 Pater et Ave cum symbolo apostolico recitantes ss. Sacramentum adoraverint, vel corpora defunctorum quorumcunque ad sepulturam comitati fuerint, seu ab hoc impediti ad signum campanae unum Pater et Ave pro sepiliendi anima orarint aut missis aliisque divinis officiis in ecclesia vel oratorio archiconfraternitatis dictae ejusdemve publicis congregationibus, publicis seu privatis ac concionibus ubivis interfuerint, vel quemcunque infirmum seu incarceratum visitaverint, sive pacem inimicos inter composuerint. 10. Denique quinque annos cum quadragenis totidem confratribus absentibus haec opera ubicunque peragentibus, ac iis, qui orationi quadraginta horarum juxta constitutionem hujusce archiconfraternitatis dominica quadragesimae et octava Omnium Sanctorum interfuerint.
3. Haec omnia valeant juxta constitutionem Clementis VIII. prospicientis, ne nimium privilegientur confraternitates

Beschreibstoff: Pergament

Anzahl Siegel: 2;

Summarium: A 6, S. 580 (KAE, B.16/7)