Inserierte Privaturkunde in einer Bischofsurkunde: "Hainricus, Dei gratia episcopus Constantiensis, universis Christifidelibus presentes litteras intuentibus salutem in eo, qui est omnium vera salus. Noverint presentium inspectores universi, quod constitutus in nostri / presentia dilectus nostra Heinricus Spichwardi, canonicus ecclesie sanctorum Felicis et Regule Thuricensis, procurator honorabilis et periti viri magistri Uolrici Vinken, cantoris ecclesie Thuricensis / predicte, ad subscripta per eum legitime constitutus, exhibuit et presentavit nobis primo mandatum suum ad subscripta sibi concessum, deinde vero litteras sub forma publici instrumenti / conscriptas per manum discreti viri Ruodolphi dicti Brüngger, curie nostre Constantiensis et imperiali auctoritate publici notarii, quarum tenor de verbo ad verbum sequitur, et est talis: / In Dei nomine, amen. Per presens publicum instrumentum notum sit universis, quod nosce fuerit opportunum, quod sub anno Domini millesimo trecentesimo sexagesimo secundo, indictione quarta decima, pontificatus /sanctissimi in Christo patris domini Urbani digna Dei providentia pape sexti, anno primo, mensis Novembris, die vigesima octava, hora quasi sexta, in domo circumspecti, honorati et periti viri, magistri / Uolrici dicti Vinken, cantoris ecclesie sanctorum Felicis et Regule Thuricensis, sita in vico dicto an der Kilchgassen prote portam dictam zu Linden in oppido Thuricensi, Constantiensis diocesis, / quam etiam domum tunc dictus magister Uolricus possedit et inhabitavit, constitutus in mei notarii publici et testium subscriptorum presentia, predictus magister Uolricus, cantor prefatus, / sanus mente et corpore, et animo deliberato, proposuit et asseruit, quomodo ipse maturam deliberationem cum semetipso et bonis suis amicis et viris peritis de quibus plenam habuerit / fiduciam non semel, sed pluries longo tempore tractatus et collationem habuisset, qualiter anime sue provideret super eo, quod ipse plurimis annis retroactis parochialem ecclesiam in Brütton / nunc mense honorum in Christo abbatis et conventus monasterii sancte Marie, loci Heremitarum incorporatam tenuit et sano consilio ac divina duceretur clementia dudum cogitaverit deliberaverit / et ordinaverit, quod dumtaxat modo subscripto valeat dicte anime sue certa premissa providere volensque ea, que divina sibi gratia insperavit perducere debitum ad effectum publice recognovit / et fatebatur, quod ipse parochialem ecclesiam in Brütton, Constantiensis diocesis, per spatium viginti annorum et ultra tenuerit ad sacros ordines non promotus fructusque ex eadem perceperit / minime deservitos quoque etiam nonullis annis pingues habuerit et imbursaverit a monasterio predicto annuas pensiones de quibus grata et debita servitia ipsi monasterio et eius / prelatis ac personis minus sufficienter impendisset quodque de huiusmodi fructibus ac etiam pensionibus sic percepitis et imbursatis per eum, ut est dictum, tantas aggregaverit et congregaverit / pecuniarum summas, quod cum eisdem pecuniarum summas, sic ut est dictum, congregatis, plurimas suis temporibus emerit et comperaverit possesiones et specialiter domum suam lapideam sitam in opido (!) / Thuricensi predicto, in vico dicto an der Kilchgassen, prope portam dictam ze Linden, cum area sua et orto eisdem contiguis cum suis juribus et pertinentibus universis, quas quidem possessiones / summas huiusmodi coacteruasset, quodque huiusmodi fructus et proventus specialiter de dicta ecclesia parochiali de Brütton per eum minus iuste perceptos, ut est dictum, se extendant ad centum marchas argenti / et longe ultra, quoque ipse magister Ulricus specialiter de huiusmodi fructibus et proventibus supradictis emerit et compraverit, domum et aream ac ortum predictis, ita quod eadem domus et area / ac ortus cum suis juribus et pertinentiis universis de equitate pertinerent et pertineant ecclesie seu monasterio supradictis. Idcirco prefatus magister Uolricus in restitutionem et satisfactionem / predictorum fructuum et proventuum specialiter de parochiali ecclesia in Brütton perceptorum ac etiam pensionum predictorum ad presens didit et solvendo tradidit et donavit ac restituit modo et / formis, quibus melius et efficatius potuit per verba de presenti ac presentibus dare voluit et vult, dat, donat, tradit et restituit honoratis et religiosis .. in Christo abbati et conventui monasterii / sancte Marie loci Heremitarum predictis et ipsi monasterio in recompensam fructuum et proventuum ac pensionum predictorum centum marchas argenti bvoni et puri ponderis Thuricensis / et pro solutione earumdem centum marcharum argenti et nomine ipsarum centum marcharum argenti persolvendaret expendiare realiter cum effectu prefatus magister Uolricus cantor dedit et / tradidit ipsis, abbati et conventui ac eorum monasterio, predictas domum suam lapideam omni area et orto ac pertinentiis et juribus universis, qua tenore huiusmodi donationis et traditionis, / ut asseruit, possedit pacifice et quiete in predictos abbatem et conventum monasterii loci Heremitarum et in ipsum monasterium transtulit et transferre voluit et vult ac transferre presenti / publici instrumenti tenore, omni via, modo, causa et forma, quibus melius et efficatius fieri potest avire, dimittens ipsis, abbati et conventui ac eorum monasterio ex nunc liberam / et absolutum possessionem domus et aree ac orti eorumque jurum et pertinentiarum universorum. Concessit etiam dictus magister Uolricus et libere concedit per presentes ipsis, abbati et conventui / ac eorum monasterio, quod ex nunc dicti abbas et conventus et successores ipsorum quicumque, quando et quandocumque ipsis, abbati et conventui nunc existentibus et quibusvis aliis suis successoribus, / in posterum visum fuerit expedire pro utilitate dicti monasterii vendere et distrahere ac alienare possint domum et aream ac ortum predictos cum suis juribus et petinentiis universis / et in alios usus ipsius monasterii convertere, ut ipsis placuerit, contradictione ipsius magistri Uolrici et cuiuslibet alterius non obstante. Et ut huiusmodi donatio, actio et traditio, restitutio / et solutio plena gaudeant roboris firmitate, renuntiavit dictus magister Uolricus omni exceptioni doli, mali, deceptionis cuiuslibet, beneficio restitutionis inintegrum, litteris, gratiis, libertatibus / et privilegiis impetratis vel impetrandis a sede apostolica vel aliunde, constitutionibus et consuetudinibus ac statutis terre provincie et districtuum necnon minorum locorum, civitatum et oppidorum / quorumcumque generalibus, specialibus et singularibus quibuscumque edictis et edendis per quas constitutiones, consuetudines et statua premissis donationi, traditioni, restitutioni et solutioni / obviari posset et derogari vel premissa in toto vel in parte infringi possent seu quomodolibet anullari. Et in testimonium omnium et singulorum premissiorum prefatus magister Uolricus requisivit / me, notarium publicum infrascriptum, ut sibi et dicto monasterio unum et plura publicum et publica conficerem instrumentum et instrumenta in forma, qua possent fieri meliori. Acta sunt / hec in oppido Thuricensi, in domo predicta, anno, indictione, pontificatu, mensi, die et hora quibus supra; presentibus honoratis et discretis viris dominis magistro Hainrico Spichwardi, Guil- / helmo de Wattwile et Eberhardo dicto Bitterli, canonicis ecclesie monasterii Thuricensis, Heinrico dicto an Lewen, canonico ecclesie Ymbriatensis, Johanne de Ravensperg, clerico, Henrico / dicto Kontzen, et Rechwino, cellerario capituli ecclesie prepositure Thuricensis, testibus ad premissa vocatis pariter et rogatis, subscriptione vero notarii in dicto instrumento fuit et est taliter. / Et ego Ruodolfus dictus Brüngger de Winthertur, publicus auctoritate imperiali et curie Constantiensis notarius juratus, quia propositione, assertioni, recognitioni, confessioni, dationi, /donationi, traditioni, restitutioni et solutioni de quibus est premissum omnibusque aliis et singulis prescriptis presens unam cum dictis testium interfui eaque dum agerentur sic fieri vidi et audivi. / Idcirco ad requisitionem instante prefati magistri Uolrici presens publicum instrumentum propria manu conscripsi signoque meo solito et consueto signavi in testimonium omnium premissorum. / Post quarum quidem litterarum presentationem, exhibitionem et receptionem supplicavit nobis magister Heinricus Spichwart, procurator in hac parte magistri Ulrici Vinken prefati, ut donationem, / traditionem et restitutionem, de quibus supra in ipso instrumento sit mentio, omniaque et singula in eodem instrumento contenta secundum omnem modum et formam, prout in ipso continetur, approbatione / auctorizare et confirmare auctoritate ordinaria dignaremur. Nos igitur salutem animarum et divinum cultum adaugeri feliciter cupientes perspectis omnibus et singulis in dicto instrumento / contentis donationi, dationi, traditioni, restitutioni et solutioni in dicto prescripto instrumento contentas secundum omnem modus et formam prout inibi sunt conscripta. Presentibus auctoritate nostra / ordinaria approbamus, auctorizamus et nomine domini presentibus confirmamus, supplentes omnem defectum, si quis obmissus foret, vel est contra sollempnitatem premissorum, vel alio modo / quovis cuius occasione premissis derogari posset in toto vel in aliqua sui parte; volentes, ut premissa omnia et singula talem habeant roboris firmitatem, ac si coram nobis judicii / in figura secundum omnem dispositionem et sollempnitatem juris facta fuisset, adhibitis in premissis verborum et gestium sollemnitatis debitis et consuetis. In quorum omnium et singulorum / evidens testimonium sigillum nostrum episcopale duximus presentibus appendendum. Datum Constantie, anno domini millesimo tercentesimo sexagesimo secundo, idus mensis decembris, / indictione quintadecima, pontificatus sanctissimi in Christo patris domini Urbani divina Dei providentia pape quinti anno primo."

Enthält: Urkunde: Urkundenarchiv Akte: Aktenarchiv

BxH: 49x43

Die inserierte Urkunde ist auf den 28. November 1362 datiert.
Die Bischofsurkunde (Konstanz) ist auf die Iden des Dezember (15.) 1362 datiert

Aktenarchiv: Heft mit Datierung am 28. November 1362.

Summarium: K 1, S. 69 (KAE, B.16/55)

Digitalisiert

Digitalisiert durch Monasterium; Februar 2008 im Staatsarchiv Schwyz.

Morel, Regesten, Nr. 389.