Diplomata seu delegationes, quibus abbates Maurus et Thomas in visitatorem monasterii Seedorfensis a d. nuntio apostolico constituti fueri:

1. Abbas noster in visitatorem monasterii Seedorfensis s. nuntiaturae immediate subjecti constituitur et deputatur cum omni necessaria et opportuna facultate praefatum conventum et monasterium ejusque religiosos juxta s. canones et decreta ss. concilii Tridentini tam conjunctim quam divisim visitandi, corrigendi puniendi et alias procededi, prout abbati visum fuerit expediens et necessarium; excepta tamen facultate, virgines ad sanctum habitum admittendi, et professionem illis concedendi; et ad d. nuntium singulis annis saltem una vice omnia in dicto monasterio gesta referendi, et alia faciendi, quae alii ejusmodi visitatores facere tenentur.

2. Mandatur superioribus et cateris monialibus illius monasterii sub poena privationis officiorum obtentorum ac poenis ecclesiasticis, ut abbatis mandatis pareant, eumque visitatorem suum agnoscant, ipsi omnem debitum honorem tanquam vice d. nuntii ipsarum superiorem, auctoritate apostolica constitutum deferant, nec eum in visitatione, correctione, aliisque per ipsum faciendis quocumque modo impediant; praesentibus arbitrio d. nuntii duraturis

4 Aktenstücke

Summarium: A 9, S. 13 (KAE, B.16/10)