1. Ut ex monasterio s. Mariae de Claro, dioecesis Mediolanensis, ord. s. Benedicti, tres vel quatuor moniales assumantur et ad monasterium s. Lazari, in quo alias habitare consueverant moniales s. Augustini, sed tunc temporis destitutum, monialibus transferantur ibique una earum abbatissae titulo gaudeat, ad quinquennium duntaxat; quo transacto eligatur ejusdem monasterii s. Lazari abbatissa ad triennium tantum duratura per moniales ibi professas, confirmanda tamen per dominum episcopum Constantiensem; cujus etiam correctioni et visitationi dictum monasterium sit subditum.
2. Concedit insuper praefatus papa abbatissae, ut cum consensu sui capituli voluntarias mulieres ad habitum sui ordinis et professionem recipere, et priorissam aliasque officiales instituere; nec non sacerdotem saecularem vel regularem, qui eis sacramenta etc. ministret, eligere valeat, ab episcopo vel ejus vicario generali et non aliter approbandum vel destituendum.
3. Denique praedictam ecclesiam et monasterium s. Lazari non solum omnibus gratiis, immunitatibus, privilegiis et indultis tam spiritualibus quam temporalibus, quibus monasteria monialium s. Benedicti perfruuntur, gaudere vult, sed etiam privilegia et gratias eidem ecclesiae et monasterio, ac illic peregrinantibus specialiter concessas, confirmat.
4. Demum abbatissam et moniales a quovis hospitalitatis onere, ad quod dictum monasterium alias teneretur, penitus eximit.
5. Tandem praecipitae mandat omnibus et singulis quovis modo indebite bona ad dictam ecclesiam et monasterium pertinentia occupantibus, ut ea restituant obtestaturque Uraniae dominos, ut pro rebus juribus ac pertinentiis ejusdem ecclesiae et monasterii conservandis, manutenendis etc. omnem operam et auxilium impendant.

Summarium: A 9, S. 7 (KAE, B.16/10)

Vacat laut Verlustliste Flüeler im Zuge der Revision des Amtes 1929 (handschriftliche Liste, KAE, A.16/8).