Transkription:

Joannes Paulus Episcopus Servus Servorum Dei / dilecto filio Martino Werlen, sodali Ordinis Sancti Benedicti, hactenus Praefecto Convictus atque Mo-/ deratori studiorum et Magistro in Schola Theologica Coenobii Einsiedlensis, nominato Abbati Ordinario / eiusdem Abbatiae territorialis, salutem et Apostolicam Benedictionem. Cum antiqua et insignis Abbatia / territorialis Einsiedlensis, intra Helvetiae fines posita itemque cultus divini, morialis pietatis ac litterarum bo-/ narumque artium clarissimum domicilium per saecula habita, post renuntiationem Reverendissimi Patris / Domini Georgii Holzherr, O.S.B., vacet, Nos quidem, beati Petri Successores de totius Dominici gregis spiritua-/ li bono solliciti, electionem a Capitulo memorati Coenobii canonice peractam libenter confirmantes, summa / Apostolica potestate te, dilecte fili, comprobatis dotibus ornatum, nominamus Abbatem Ordinarium Abba-/ tiae territorialis Einsiedlensis, cunctis tributis iuribus impositisque obligationibus cum eodem mune-/ re ad normam iuris conexis. Antequam huiusmodi officium incipias, catholicae fidei professionem facies / atque ius iurandum nuncupabis fidelitatis erga Nos et Nostros Successores, teste quovis Episcopo rectae fidei, / adhibitasque formulas Congregationi pro Episcopis mittes. Mandamus ut de his Litteris facias certiores mona-/ chos et fideles tuos; quos hortamur ut te debito obsequio prosequantur. Tibi denique, dilecte fili, intercedente / Dei Genetrice Maria, Paracliti Spiritus precamur dona, quibus adiutus omnibus tuae curae creditis pium / patris ostendas affectum – cfr Regula S. Benedicti 2,24 – ac pariter prodesse magis quam praeesse valeas / – cfr ibid. 64,8 –. Pax Christi sit semper tecum et cum ecclesiali communitate Einsiedlensi, Decessoribus No-/ stris Nobisque etiam valde cara. Datum Romae, apud S. Petrum, die vicesimo primo mensis Novembris, in / memoria Praesentationis beatae Mariae Virginis, anno Domini bis millesimo primo, Pontificatus Nostri vi-/ cesimo quarto.

Sig. Joannes Paulus II Sig. Marcellus Rossetti, protonot. apost.

Beschreibstoff: Pergament

Anzahl Siegel: 1;