Originaltitel: Facultas decano nostro et quatuor confessariis monasterii nostri ab abbate designandis, pro foro conscientiae duntaxat, et sub obligatione silentii concessa.

1. Absolvendi ab excommunicatione ob manus violentas in clericos injectas in casibus ad forum ordinarii de facili non deducendis; dummodo mors aut mutilatio aut ossium fractio non sit secuta.
2. A censuris contra duellantes inflictis in casibus non deductis.
3. A censuris ob haeresim occultam, a nemine per actus externos notatam injuncta gravi poenitentia ac sacramentorum frequentatione.
4. A censuris ob retentionem et lectionem librorum prohibitorum, postquam poenitens libros ordinario loci consignaverit.
5. A censuris ob violationem clausurae regularium monialium in casibus non deductis, nec ad inhonestum finem.
6. Absolvendi religiosos cujuscunque ordinis, etiam in casibus in sua religione reservatis.
7. Commutandi vota simplicia, exceptis 5. papalibus nec non votis poenalibus a sese arcendum a peccatis, et voto nonludendi, ac ubi agitur de praejudicio tertii.
8. Dispensandi ad petendum debitum conjugale cum transgressore voti castitatis ante matrimonium emissi, monendo poenitentem de obligatione voti tam extra usum licitum matrimonii, quam post mortem compartis.
9. Dispensandi cum incestuosis conjugibus ad petendum debitum, cujus jus ob occultam affinitatem amissum fuit, injuncta praeter poenitentiam gravem sacramentali confessione semel quolibet mense.
10. Dispensandi super occulta irregularitate contracta ex violatione censurarum duntaxat cum sacerdotibus tam saecularibus quam regularibus.
11. Ad quinquenium duntaxat.